O le tagata e faia ia tulaga (hacktivist) o se tagata e tuufaatasia ona manatu malolosi ma lona iloa faatekonolosi e osofaia ai se website poo se kamupani e tete’e iai. E ono faaaoga le Denial of Service – DDoS (ua uma ona faamalamalama atu) e faalavelaveina pe faasese ai fesootaiga ma se website se tasi pe sili atu foi. O le amio a nei tagata, o le faaaoga o ni upu poo ni ata tetele e iloa gofie e tagata, e momoli mai ai le fe’au i le itulau a le website.
O websites e tele fesootaiga, ma tele lo latou amanaia e tagata, (kamupani tetele, ma matagaluega a le malo) e tele ina aafia i faiga ia, ae le sao mai ai isi faalapotopotoga. O le ‘Anonymous’ o le kulupu pito i iloga lea i faiga faapea i tausaga lata mai nei.
O mea e ono tutupu
- O le faalavelave i auaunaga a lau website.
- O le maimau ai o tupe poo le igoa lelei o lau kamupani poo mea uma foi e lua.
- O mea tau i lau kamupani – poo tagata foi tou te faigaluega – e le iloa e nisi, ua faasalalau e nei tagata i se itu leaga.
Ia malupuipuia lau website
Afai o host e outou la outou website ae le o faaaogaina se isi kamupani, ia faamautinoa o malupuipuia faila o a outou hardware ma le software:
- Faaaoga upu tatala (passwords) malolosi i mea uma. Aua le tuuina se upu tatala i se tulaga e ono faigofie ai ona osofai.
- Ia faamautinoa o malupuipuia le server e se ‘firewall’ ma ni faila puipui lelei a le initaneti.
- Ia vaai lelei api ma faila a le kamupani ina ia iloa pe a iai se taumafaiga e tagofia fua e se isi (intrusion).
- Faaaoga faila fou a le ecommerce. E ono iai ni vaega o faila tuai e osofaia e le au osofai komepiuta.
- Aua lava le tuuina information taua ma details o credit cards a customers i se faila faalauaitele a le ecommerce server (uma ona faamalamalama atu).
- Ia malupuipuia a outou SSL details (uma ona faamalamalama atu) ma ia nana lelei.
- Afai e te manatu e le o mautu lelei la outou website pe a osofaia e se DoS poo se DDoS, ia faafesootai le auaunaga faapitoa mo le puipuiga agai i le DDoS. E iai lo latou iloa ma a latou mea faigaluega e puipuia ai lau pisinisi.
- Vaai se auaunaga (professional penetration testing firm) e suesue ai le malosi o le tali mai a la outou ecommerce server i se osofaiga.
Pe a e faaaogaina se isi kamupani e host (latou te faia ni auaunaga ma tekonolosi e fesoasoani ai i se website)
- Ia vaai lelei aiaiga o lo latou malupuipuia ma lo latou avanoa mai.
- Ia siaki poo fetaui lelei tulaga o la latou maliliega ma tulaga o loo manaomia e lau kamupani.
- Vaai se auaunaga (professional penetration testing firm) e suesue ai le malosi o le tali mai a la outou kamupani host i se osofaiga.