E pei ona iloa mai i le igoa (revenge porn) e fai e tagata mea nei ona o le ita ua e le talia o ia, po’o se isi mea sese fai mai
ua e faia ia te ia. O le to’atele o tagata e faia nei faiga o ali’i ae o le to’atele o tagata e fai iai o tama’ita’i talavou.
O nisi taimi e fa’aaoga e taufa’amata’u ai, ma se folafolaga o nei ata o le a tu’u i luga o le upega tafailagi, ae afai foi ua iai, o le a le aveina i lalo se’iloga e totogi atu se tupe, pe toe fai foi le faiga uo.
E tolu ituaiga auala e masani ona fa’aaoga e ia tagata e fa’asalalau ai nei ata:
- O feso’ota’iga i luga o le upega tafailagi (social media). O le Twitter ma le Facebook na fa’amalosia i se taimi e le i mamao atu a latou aiaiga e uiga i nei faiga ma tagata latou te faia.
- O nofoaga fa’apitoa lava (websites) latou te fa’asalalauina ia mea.
- O le ave sa’o lava o le imeli po’o le text i le tagata ua fa’amata’uina ma nisi e a’afia ai.
O mea e ono tutupu
- O se tagata sa lua mafuta e fa’aalia ni ata fa’apea o oe e oso ai lou ma, po’o le matua popole lava.
- Ua avea oe o se tagata e fa’afefeina ma i’u ai ina totogi ni tupe.
- Afai o oe lea e te faia lea tulaga, e ono molia oe i le tulafono ma e falepuipui ai mo se taimi e o’o atu i le lua tausaga.
- Ua mafua ia te oe le matua popole o le o lo’o e faia iai, ma e ono tupu ai se mea ia te ia ma lona aiga.
Ia e manatua po’o le a lava le lelei o oulua ma se isi tagata, e ono suia, ma o ata ma vitio e pu’e i le taimi o lo’o oulua mafuta lelei, e ono fa’asalalau atu i isi tagata.
Afai o fai e se isi tagata lenei mea ia te oe:
- Aua le tali i nei mea taufa’afefe.
- Ia lipoti i leoleo.
- Afai e tu’u i luga o nofoaga o feso’ota’iga (social media site) ia lipoti ia ata i le nofoaga (site), ma fai iai e ave’ese, ma poloka le tagata na faia.
- Aua le ma fua e lipoti faiga nei, aua o lo’o e fesoasoani lava oe ia te oe, atoa ma isi o lo’o a’afia foi, pe ono a’afia ai i le lumana’i.