O e iloaina nofoaga (sites) o fa’aaoga e lou alo? O e iloaina pe fa’apefea ona maua? O e iloaina tagata o lo’o latou fetaui ai, ma mea e mafai ona latou talanoa iai pe fai foi i lou alo? E sili ai pe a fa’apea ‘O e iloa le leaga o mea e ono tutupu i le fa’aaoga e lou alo o nei nofoaga eseese?’
Po’o le:
- Talanoa ma tagata fa’apea lava ia o sana ‘uo’ fou, ae le iloa o tagata o lo’o lama ia te ia.
- O le fa’asoa ma matamata ma isi i ni ata le talafeagai .
- O le fa’afefe ma fa’amata’u o lou alo e isi tagata.
- O le fa’aoso e isi e fai mea e iloa ai le ulavale e pei o ni mea mataga i luma o se mea pu’eata.
- O le fa’ailoa atu o mea na o ia e tatau ona iloa (private information) e aofia ai ma mea tau aiga ma uo, po’o le fai foi o se tonu e feiloa’i tino ma se isi fa’ato’a la fetaui i luga o le upega tafailagi, ae o le tagata lena e pepelo mai e le o ia moni lea.
O nofoaga nei (sites) e masani lava ona fa’aaoga e tamaiti. E mafai ona e iloa tulaga o feso’ota’iga lautele a le Facebook ma le Twitter i i.
- O le tele o nei nofoaga e fa’aaoga ai vitio ma lafo ai ata, ma e ono avea nei avanoa ma mea e fe’avea’i ai ni ata le talafeagai.
- E iai ‘tulafono’ e pei o le matua o le tamaititi e mafai ona avea ma ‘member’ e talafeagai iai mea o lo’o i ata ma vitio. Ae e mafai ona pepelo iai le tamaititi e sili atu ona tausaga, ma e faigofie foi ona ‘alofia nei tulafono.
Fa’amolemole faitau fautuaga o lo’o avatu i le vaega o le Safeguarding Children i lenei nofoaga (website) ina ia malupuipuia lou alo a’o fa’aaogaina telefoni ma ma’a (tablets) i luga o le upega tafailagi.
Snapchat
O le Snapchat o se ‘app’ ta’atele e fa’asoa ai ata i ‘devices’ a kamupani o le Apple ma le Android, e fa’asoa ai ata mo ni nai sekone ona ‘le toe va’aia lea.’ Ae peita’i e mafai ona maua pea ia ata pe a pu’e se ata (screen shot) ma ua iai foi isi ‘apps’ e toe maua mai ai le ata, pe a e le mana’o e pu’e se screen shot. O lenei nofoaga (site) ua matua faitio tele iai tagata ona o le fa’afaigofie ai i tagata leaga ona mulimulita’i i tamaiti (stalking), po’o le fa’auo ma tamaiti mo se mafua’aga leaga (grooming). O tausaga e mafai ona ofi ai le tamaititi i le nofoaga lea o le 13, ae o le toatele lava e ofi iai ae le’i atoa le 13 tausaga.
O le Instagram o se feso’ota’iga e fa’asoa ai ata ma vitio, ma e ona e le Facebook. O nei ata e mafai ona kopiina i na’o ‘devices’ ae le mafai i le komepiuta. Ua faitioina tele le Instagram ona ua avea o se nofoaga faitele e fa’aleaga ma fa’afefe ai isi tagata, ma ua avea foi ma nofoaga e fa’asalalau ai ata tau faiga aiga. O tausaga e ofi ai le tamaititi i le nofoaga lea o le 13, ae toatele lava e ofi iai e le’i atoa le 13 tausaga.
TikTok
O le Tik Tok o le ‘app’ a le iOS ma le Android e fai ai ata vitio e fa’asoa ai siva ma pese e na o le memu o gutu, o ata malie, ma taleni fa’aali. Ona o le faigofie ona ofi iai ma mea e le talafeagai i tamaiti, ma musika e matua leaga lava le gagana fa’aaoga, e le o se feso’ota’iga lelei mo le fanau.
Ask.fm
O le Ask.fm e mafai ai ona lafi se isi, ma fai mai ni fesili ia te oe, e aunoa ma lou iloa po’o ai. O lona uiga e mafai ona fai mai so’o se tala lava ae le taofia pe iai se mea e fai iai. O le taufa’afefe ma le taufa’amata’u i lenel nofoaga (site), ua tutupu ai mea ogaoga i fanau, o isi e i’u ai lava ina fa’a’uma ai o latou ola. Ua fai mai tagata e ona lenei nofoaga o le a latou tu’uina iai se ‘report abuse button’ (e ‘o’omi pe a fa’amata’uina oe), aumai le faitalia ia te oe pe e te lesitala pe leai, ma fa’ato’atele a latou tagata e fa’afoeina ma va’aia tulaga o fa’asoa (moderators).
Yik Yak
O le Yik Yak e ‘leai ni faila, leai ni upu tatala, o mea uma e nana e le fa’ailoaina’ Na fai fa’aagaaga mo fa’asilasilaga mo talafatai ‘ese’ese fa’apea foi a’oga. Ae ua matua iloga lenei ’app’ o se au’upega ua fa’aaoga e tagata e fa’amata’u ai isi, i luga o le upega tafailagi. Ua fa’asa i le tele o a’oga i Amerika ma le UK.
Habbo
O le Habbo (igoa fa’a’umi o le Habbo Hotel) o se nofoaga o feso’ota’iga (site) na fai mo tupulaga (13-19 tausaga) ae ua matou fa’alogo i tamaiti laiti e o’o i le 8 tausaga ua latou fa’aaogaina. E pei lava o isi nofoaga, ua tele le faitioina e tagata ona o le tilotilo ai o fanau i mea tau faiga aiga.
Shots of Me (or just Shots)
O le Shots of Me (po’o le just shots) o le nofoaga (site) e lafo ai ata o oe po’o oe ma isi (selfies) e fa’aaoga ai le mea pu’eata i luma o lau telefoni fe’avea’i. Ua faitioina tele lenei nofoaga ona o le latou fa’atagaina o ata le talafeagai, ma i’u ai ina fa’aaoga ata o le fanau e fa’amata’u ai pe fa’afefe ai e tagata leaga mo se taui.
Omegle
O le ‘Omegle’ o le ‘talanoa lava i tagata ese’ o lona uiga la, e manino mai lava i lona igoa, o le fa’aaogaina o lenei nofoaga, o le ‘aisi lava lea o lou alo (ma oe foi) i ni fa’afitauli e tutupu mai.
Chatroulette
E pei lava o isi nofoaga, o le ChatRoulette, o se nofoaga e le o iloa e tamaiti po’o ai o talanoa iai i le isi itu, o se mea e tatau ona ogaoga ia te oe.
Ina ia e silafia le anoanoa’i o ‘apps’ ma nofoaga (sites) e talanoa ai tamaiti i aso nei, o nisi nei o nofoaga e tai tutusa lava ma le ChatRoulette, e fa’aaoga ai mea pu’e ata o le telefoni ma feso’ota’iga. E te silafia nisi o nei nofoaga (sites)?
iMeetzu
SpinnerChat
WebcamBam
Cam Random Chat
HollerChat
RandomSkip
CoolStreamz
Swagcams
SpeedyCams
Bazoocam
Omegle
Chatroulette
Tinychat
Camzap
Chatrandom
Facebuzz
Quierochat
Streamberry
Chatpig
Chattino
Camfrog
Hehechat
Rounds
Chatville
Funyo
Paltalk
Webcamnow
Flipchat
VideochatUS
RouletteChat
Dirtyroulette
Chatxroulette
Lollichat
Chatrad
321 Chat
Chatbazaar
Wireclub
Chat Avenue
Wocchat
Airtime