E solitulafono le fausia ma faatau atu o oloa pepelo, ae le solitulafono lou faatauina mai tusa lava pe e te faia ma le iloa. Ae peitai, e tele mafua’aga e le tatau ai ona e faia ia tulaga.
O mea e ono tutupu
- E le tutusa le lelei o oloa mao’i ma oloa pepelo. E le ofi lelei pe afai o se ofu. E le galue lelei foi pe afai o se mea e alu i le eletise. O nisi foi oloa e matua le lelei lava pe le talafeagai foi.
- O lou faatauina o oloa pepelo, e ono lamatia ai oe ma isi. O oloa pepelo e le suesueina lelei a’o fausia, ma e te ono sipaka pe mu ai foi pe a e faaaogaina. O fagu faamanogi pepelo, e tele ai vailaau ‘o’ona e ono mu ai ou foliga.
- E le malupuipuia isi websites o loo faatau ai nei oloa pepelo, ma e ono gaoia ai au details, pe faaleagaina ai foi lau komepiuta e ni faila leaga.
- O le faatau mai o oloa pepelo, e faaleagaina ai foi pisinisi lelei ma a latou oloa, ma aafia ai foi ola o tagata e faalagolago i na pisinisi. E laititi ai foi le tupe maua a lou atunu’u.
- O isi oloa pepelo e fausia e tagata o loo faapologaina.
- O tupe e maua i le faatau atu o nei oloa pepelo, e masani ona faaaoga e faatupe ai nisi soligatulafono e sili atu ona leaga, e pei o le faapologaina o tagata, ma le taufaamata’u i le lalolagi.
- O au details e faailoa i le website lea e faatau atu ai oloa pepelo, e mafai ona faaaoga e tagata solitulafono e fai ai se isi website pepelo, ae tuu iai lou igoa o oe e ona.
- O lou fausia ma faatau atu o oloa ina ia maua ni tupe, ae faaaoga ai se trademark e aunoa ma le faatagaina e le tagata e ona, o se solitulafono e matua mamafa faasalaga e o’o iai, e pei o le sala tupe poo le falepuipui foi.
Afai e faaosoosoina oe e faatau mai oloa pepelo
- Poo le a lava lou fia maua o se oloa, aua lava e te faatauina ma lou iloa oloa pepelo ona o mafua’aga ua avatu i luga.
Pe faapefea ona fo’ia le faatauaina mai o oloa pepelo
- Faatau mai i kamupani ma tagata ua iloga le lelei o a latou oloa. Faitau tusitusiga e uiga i nei kamupani.
- Siaki le sipelaina o upu o i le tuatusi o le website. O tagata taufaasese e nonofo ma fai ni nai suiga laiti ina ia faasese ai oe. E lelei lava lou type lelei i lalo o le tuatusi sa’o o le website.
- Afai o faatau mai au oloa i se faatautu’i, ia siaki lelei le ta’uleleia ma details o le tagata o loo faia le faatautu’i. Ia faitau i a latou reviews.
- Ia faaeteete i oloa o loo faasalalau ma faatau i media sites ma texts.
- Ia siaki poo iai se tuatusi e lafo iai meli mo le tagata na faatau mai ai au oloa, ae le na o le pusameli ma le imeli.
- Ia siaki poo iai ni aiaiga mo le toe faafoi mai o le tupe pe a le lelei oloa, poo aiaiga foi e uiga i le guarantee. O le tele o tagata taufaasese e le faia na mea.
- Afai o se oloa e taugata ae ua ofo mai i se tau taugofie, ia fesili oe ia te oe pe iai se mafua’aga.
- Ia siaki poo malupuipuia le itulau e totogi ai tupe, read our advice page.
- Aua nei totogiina ni oloa i se bank transfer, afai e talosaga mai e totogi atu faapena, o lona uiga o le taufaasese, ma e le toe totogiina mai e le faletupe lau tupe.