Talu ai e to’atele tagata e te le iloaina ma e le malamalama iai, ma o ia foi ‘talanoaga’ e masani ona so’ona tu’ufau e le fuafuaina, e tatau ona e malamalama lelei i itu le lelei o le fa’aaogaina o ia nofoaga, ma auala e fo’ia ai.
O Aafiaga
- E te feagai ma manatu saua, fia fai aiga, fa’asausili, fa’ailoga lanu, po’o ni faiga ita ma le mafaufau.
- O tagata tou te ono fetaui i luga o nei ‘potu talanoa’ o ni tagata e ‘mulimuli’ (stalk) taufa’amata’u, so’ona fai, ma taumafai e sui ou mafaufauga pe fa’atupu foi ni faiga aiga.
- Talavou matutua ma tamaiti e ono faʻaosofia i talanoaga le talafeagai ma tagata le mafaufau uiga.
- Fetaiaʻi ma le le taofiofia ole faʻaaliga o upu malolosi ma manatu ma lagona, o nisi taimi e taʻua o le ‘upu masoa’. E mafaia e nei upu ona faaleagaina talanoaga tuufaatasia a i latou uma o loo talanoa faatasi.
- E ono faʻasesēina oe e isi tagata i totonu o le potu talatalanoaga i le faʻasalalauina o a oe lava mea tautupe o faʻamatalaga a le o le potu o talatalanoaga,o luga lava o pepelo i upega tafaʻilagi.
Ia malupuipuia lau talanoa
- Ia e faaeteete i tagata ete talitonuina ma talanoa iai i luga o upega tafa’ilagi o nisi o uo o i latou lava o ni tagata e le tatau ona e talitonuina.
- Ia e taofi ia te oe lava faamatalaga o lou lava tagata, aua ete faasoa atu i se tasi lava tagata o lua talanoa i luga o upega tafa’ilagi(igoa,numera,tuatusi o lau email, ma lou ata) tusa lava pe fesili atu se tasi ia te oe.
- Manatua e tatau lava ona tape pe alu ese mai luga o upegatafailagi ia taofia ai nisi tulaga le maalofia pe sui foi le igoa pito i luma(screen name).
- Aua le faatuai ona e polokaina tagata e te leo fia talanoa iai.
- Mafaufau lelei ae e te le’i taliina se tusitusiga e le o iloa e nisi (private messages)
- Aua le fa’aaogaina lou igoa moni ae fa’aaoga se igoa fatu (ae le o se ituaiga igoa fa’atosina).
- Ia fa’atino sau gaioiga pe a e silafia e ono lamatia sau uo.
- Ia a’oa’o lelei pe faapefea ona e sefeina se kopi o talanoaga aua e aoga pe a e manao e fai se lipoti o se mea na tupu.
- Ia e lipotia tagata latou te solia tulafono o le potu talanoa.
- Ia e fa’aeteete pe a e fuafua e te lua fetaui ma se tagata fa’ato’a lua masani i luga o le upega tafa’ilagi. Fa’ailoa i se tagata o lou aiga po’o sau uo, pe lua te o foi- atonu pe na o le feiloaiga muamua. Ia lua feiloai ma ia nonofo pea i se nofoaga faitele. Ia iai pea sau telefoni feavea’i ma ia ki pea. Aua e te fa’asuaava. Vaai lelei au mea totino.