E tolu vaega autu o le auaunaga
- Vaega pito sili ona faaogaina i aso nei o fonotaga e faaogaina ai mea pue ata poo auaunaga e faaogaina a le upega tafailagi faapei o le Skype, Zoom, Microsoft Teams, Webex ma le Google Meet, e mafai foi e i latou ona valaaulia isi ma faamautu nisi tagata e fesootai iai, fausia ni polofaila, fesootai isi e ala I le faaogaina o mea pue ata, fetufaai screens ma faila. O nisi vaega, e fuafua I le auaunaga o loo faaogaina e fuafua I le tupe o loo totogiina, e aofia ai komeni, aotelega o ni faamaumauga ma potu talanoa
- Faigofie, ona palaka lau telefoni feaveai, mea faalogo taliga poo se mea faaleotele leo ma sipika I lau VoIP-configured wireless hube fesootai atu ai i isi i se taugofie e ala lea i le faaogaina o le upegatafailagi.
- Mautu faatonutonuga, e sapalai atu e le kamupani se numera telefoni e mafai ai ona e fesootai atu, pe talia foi le valaau mai a isi.
Faapei ona faia e le tele o nisi auaunaga o loo faaogaina ai le upegatafailagi, e tatau lava ona faaeteete i taimi uma.
Mea e ono tutupu
- E iai se faaeteetega laititi ona o le eavesdropping aua o le VoIP e faaogaina lea e tagata lautele o loo faaogaina le upegatafailagi, Ui I lea, e itiiti atu aafiaga e ono maua nai lo le faaogaina lea o laina masani, e faigofie ona lamatia.
- Afai o loo e faaogaina auaunaga nei e fesootai atu ai i ni tagata e toatolu (3) pe sili atu foi e faaogaina ai ni faamaumauga mo fesootaiga ua maea tapena, soo se isi lava e mafai ona latou maua faamaumauga nei (mo se faataitaiga sa latou vaaia i se imeli poo nisi faasalalauga i luga o le upegatafailagi) e mafai ona latou faaogaina faamaumauga nei e ulufale ai ma faalogologo i le tou talanoaga
- Afai e tupu se mea faapea, e ono faasalavei e i latou nei le tou fonotaga, ma faasoa atu ni mataupu matuia pe maaleale foí
- E mafai foi e tagata pepelo ona talosagaina se fesootaiga ma oe ina ia
- Valaau atu ai ma faasoa atu ai e uiga i se scam poo se fraud, e ala lea i lou asiasi atu i se tuatusi faatalapelo i luga o le upegatafailagi, pe (kopi mai lalo) download foi ni faila o loo iai ni vairusi poo polokalame faasipai (spyware)
- Faaogaina o faamaumauga patino ia te oe o loo i luga o lau polofaila, ma faaoga i se auala solitulafono
Malu puipuia o talanoaga ma fonotaga e faia i luga o le upegatafailagi
- pe afai e faaogaina se uputatala (password) e ulufale ai i se auaunaga, ia mautinoa le faaogaina o se upu leoleoa mategata, aua foi nei e tauina atu i sesi poo nisi tagata
- afai o le auaunaga o loo e faaogaina e aofia ai sou polofaila faalauaitele, aua nei tuuina iai ni faaupuga maaleale, poo ni faamaumauga tapuaia e uiga i lou tagata
- Mataituina i latou ua e taliaina la latou talosaga mai mo se fesootaiga. Faamautu auala o fesootaiga e talia na o e tou te masani ma silafia.
- Poloka faatopetope le au faasoesa ma tagata taufaasese, ina ia le mafai ona toe fesootai mai, ma lipotia i latou
- Afai ua e manatu ua pelogia oe e se tasi ina ia tuuina atu faamaumauga mo ni tupe totogi, fesootai vave lau Faletupe poo e na tuuina atu lau card
- Siaki i taimi uma faamaumauga lata mai mo le faaleleiina o le auaunaga o loo e faaogaina. Afai ua faailoa mai o loo iai ni faaleleiga, ona apalai loa lea ona e ono aofia mai ma ni faaleleiga mo le malu puipuia.
- Mataituina o loo malosi ma aoga lelei le antivirus/antispyware software ma le firewall o loo faaogaina
- Taimi uma lava e maea ai ni fesootaiga e faaogaina ai se mea pue ata poo se valaau masani log out. O le tapeina o le browser, e le faamautuina ai ua maea le talanoaga
- Ia e silafia o le faaogaina o nei auala o fesootaiga e faamoemoe lea i le iai o le eletise. Afai e pe faafuasei le eletise lona uiga e ono uma le maa o lau masini ma faaopopo atu iai ma nisi faafitauli, e le mafai foi ona e fesootai atu i nisi pe fesootai mai foi nisi ia oe faatasi ai ma fesootaiga mo ni faalavelave tutupu faafuasei.